Vrasja e Klodian Rashës/ Vijojnë protestat – Qytetarët 3 kërkesa për Ramën

– 11/12/20

Vijojnë protestat për vrasjen e 25-vjeçarit Klodian Rasha nga një efektiv policie.

Shoqëria Civile po organizohet sërish përmes rrjeteve sociale, për t’u mbledhur sot në orën 18:00 përpara Kryeministrisë dhe shesheve kryesorë të çdo qyteti.

Kjo është protesta e tretë për vrasjen e të riut në zonën e Laprakës, në orët e para të mëngjesit të së martës, vetëm sepse theu fashën e orarit dhe nuk iu bind urdhrit policor.

Kësaj rradhe, shoqëria civile shtron tre kërkesa për qeverinë Rama:

• Largimin e drejtorit të përgjithshëm të Policisë së Shtetit, Ardi Veliu
• Ndalimin e dhunës policore
• Reformimin e Policisë së Shtetit

Nën hashtag-un “Unë jam Klodiani”, irritimi dhe zemërimi qytetar do të ndjehet edhe sot, ndonëse tubimet konsiderohen të paligjshme për shkak të masave anti-Covid.

Risjellim në vëmendje se dje, protesta e qindra qytetarëve zgjati mbi tre orë, duke u shoqëruar më përplasje të vazhdueshme me policinë – dhjetra u plagosën dhe disa tyre, përfshirë efektivë, përfunduan në spital.

Gazeta Mapo